10 დღიანი გასტრონომიული თავგადასავალი საქართველოში

ადგილები, რომლებსაც მოინახულებთ: 

1. დავით-გარეჯელის სამონასტრო კომპლექსი
2. სოფელი უდაბნო
3. ტბა მრავალწყარო 

დღე 1 / ჩამოსვლა და დაბინავება 

• ჩამოსვლა თბილისში და ტრანსფერი სასტუმროში.

დღე 2 / თბილისი

• დავიწყებთ დღეს თბილისის ისტორიული ცენტრის მონახულებით. თბილისი საქართველოს დედაქალაქია და ყველა მოგზაურისთვის ქვეყნის დედაქალაქის დათვალიერება აუცილებლობაა. სწორედ აქ შეიცნობს ის ქვეყნის ნამდვილ გულისცემას. ჩვენი საფეხმავლო ტურის დროს თქვენ ნახავთ ადგილებს საიდანაც თბილისმა, როგორც ქალაქმა არსებობა დაიწყო. ტურს დავიწყებტ მეტეხის ტაძრიდან (XIII ს.) და ისნის უბნიდან, რომელიც შუა საუკუნეებში სამეფო რეზიდენცია იყო. ეს იდეალური ადგილია ძველი ქალაქის შესანიშნავი ხედებით დასატკბობად და სურათების გადასაღებად. შემდეგ, საბაგირო გზით მივალთ თბილისის დედაციხემდე, ნარიყალამდე (VI ს.), რომელიც ქალაქში ერთ-ერთი პირველი ნაგებობაა. შემდეგ გავისეირნებთ გოგირდის აბანოების უბნისა და უნიკალური მეჩეთის სანახავად, სადაც შიიტი და სუნიტი მუსლიმები ერთად ლოცულობენ, ნელ-ნელა კი გავუყვებით შარდენის ქუჩას. გზად ვნახავთ სიონის ტაძარს (XI ს.), ანჩისხატის ეკლესიას (VI ს.), გაბრიაძის თოჯინების თეატრს და ა.შ. 
• შუა დღეს გადავინაცვლებთ საქართველოს ეროვნულ მუზეუმში მთავარი საგანძურის სანახავად. აქ დაგხვდებათ ცნობილი კოლხეთის განძი, მრავალფეროვანი ნუმიზმატიკური და არქეოლოგიური გამოფენები. 
• მრავალფეროვანი და დატვირთული დღის შემდეგ კი ვეწვევით ერთ-ერთ ოჯახს სადაც ოჯახის დიასახლისი გვასწავლის როგორ მოვამზადოთ ტრადიციული კერძები, მათ შორის ხაჭაპური. ხაჭაპური ერთ-ერთი ყველაზე ცნობილი ქართული კერძია, რომელსაც თითქმის ყველა რეგიონში თავისი ვერსია აქვს. გამოაცხეთ "ქართული პიცა" მიირთვით და დატკბით ოჯახის სტუმართმოყვარეობით.

დღე 3 / 

• კახეთში საქართველოს ერთ-ერთი გამორჩეული რეგიონი, რომელიც ცნობილია არა მხოლოდ მეღვინეობით, არამედ სამზარეულოთი, შეუძლებელია არ მოვინახუოთ ჩვენი გასტრონომიული ტურის ფარგლებში. დილიდანვე გავემგზავრებით საქართველოს აღმოსავლეთით სადაც პირველ რიგში მოვინახულებთ XI საუკუნეში აშენებულ ალავერდის სამონსატრო კომპლექსს. ალავერდი ასევე ცნობილია თავისი ვენახით და სხვადასხვა სახეობის ღვინის დაყენების ხანგრძლივი ტრადიციით. კომპლექსის დათვალიერების შემდეგ ვეწვევით ვარდისუბანში ოჯახს სადაც ქვევრების დამზადების ხანგრძლივ ტრადიციას გავეცნობით. აქვვე დავაგემოვნებთ ადგილობრივ ჭაჭასა და ღვინოს, რომლებიც კახური ტრადიცილი მეთოდებით მზადდება. 

• ვარდისუბნის შემდეგ ყვარელში ადგილობრივ ოჯახს ვესტუმრებით, სადაც მასპინძელთან ერთად ტრადიციულ კერძებს მოვამზადებთ. ქართული თონის პური, ჩურჩხელა, ადგილობრივი წალამზე შემწვარი მწვადი და სხვა კერძების მომზადების პროცესში მონაწილეობა საინტერესო კულინარიული გამოცდილება იქნება. კახური სუფრა მარტივი, მაგრამ ძალიან მდიდარია, გამოირჩევა ხორცითა და ბოსტნეულით, რომელიც ღვინოს ძალიან უხდება. 

  ლანჩის შემდეგ გრემის კომპლექსს ვესტუმრებით. გრემის კომპლექსში მრავალი არქიტექტურული ნაგებობაა. ვიზიტორს ადვილად შეექმნება შთაბეჭდილება ძველი გრემის სიდიადისა და სიძლიერის შესახებ.

  საღამოს დაუვიწყარი შთაბეჭდილებებით დავბინავდებით თელავში.

დღე 4 / 

• დღეს დავიწყებთ თელავის ისტორიული მუზეუმის მონახულებით.  თელავი კახეთის რეგიონის ადმინისტრაციული ცენტრია. ის ასევე საქართველოს ერთ-ერთი უძველესი ქალაქია. თელავის ძველ ქალაქში მოკლე გასეირნების შემდეგ, ეწვიეთ მეფე ერეკლე II-ის რეზიდენციას. ის ახლახან აღადგინეს და მუზეუმად გადააკეთეს. აქ შეგიძლიათ ნახოთ: ნუმიზმატიკური მასალა, გვიანი შუა საუკუნეების ჯავშანი, XVII-XIX საუკუნეების სპილენძის ნივთები, იარაღი და ა.შ. 
• ლანჩზე აუცილებლად ვესტუმრბით ადგილობრივ ოჯახს გურჯაანში. აქ გულითადი სტუმართმასპინძლობა და ქართული ტრადიციული სუფრის უნაკლო მაგალითი გველოდება. ადგილობრივი სუფრა, ოჯახში მოყვანილი, დამზადებული საკვები და სახლის ღვინო. რა თქმა უნდა კეთილი, ოჯახური დახვედრა ამ სტუმრობის დიდი ნაწილი იქნება. ლანჩის შემდეგ გადავინაცვლებთ სიღნაღში  - სიყვარულის ქალაქში. ყველამ იცის, რომ ამ ქალაქის მეტსახელის მიზეზი 24 საათის განმავლობაში მომუშავე საქორწინო დარბაზია. ჩვენ გავისეირნებთ პატარა ქალაქის ქუჩებში. აღმოაჩენთ საქართველოში ყველაზე გრძელ თავდაცვით კედელს და დავტკბებით ალაზნის ველის დაუვიწყარი ხედებით. შემდეგი გაჩერება ბოდბის დედათა მონასტერია, საქართველოს განმანათლებლის, წმინდა ნინოს დაკრძალვის ადგილი. ის ცნობილია მომლოცველთა შორის. 
• საღამოს დავბრუნდებით თბილისში. 

დღე 5 / 

• დილით ვესტუმრებით თბილისის ბაზარს. სადაც მაგიდებსა და თაროებზე საგულდაგულოდ გამოფენილი სხვადასხვა პროდუქტს ვნახავთ: სეზონური მწიფე ხილი, ჯანსაღი ბოსტნეული, ფერადი სანელებლები, სხვადასხვა სახის ყველი, ახალი ხორცი, თხილი და ნიგოზი. დღეს ჩვენი მასპინძელი ახალგაზრდა დიასახლისი იქნება და მასთან ერთად შევარჩევთ ბაზარში პროდუქტებს. სახლში დაბრუნებისას, ქართველ მასპინძელთან ერთად მოვამზადებთ სხვადასხვა სახეობის ფხალეულს(ბოსტნეულის ასორტი - ბადრიჯანი, ისპანახი და ჭარხალი დაფქული ნიგვზით).
• შუადღისას ვესტუმრებით უძველეს ქალაქ მცხეთას.  მცხეთა საქართველოს ძველი დედაქალაქია. მას ასევე მეორე იერუსალიმს უწოდებენ ქალაქში დაცული მრავალი ქრისტიანული რელიქვიის გამო, მათ შორისაა იესო ქრისტეს კვართი. პირველი გაჩერება იქნება ჯვრის მონასტერი (VI ს.), რომელიც ამაყად დგას მთაზე და გადაჰყურებს ქალაქსა და მის შემოგარენს. მტკვრისა და არაგვის შესართავი სწორედ ჯვრის მაღლობიდან მოსჩანს ყველაზე კარგად. კიდევ ერთი გაჩერება იქნება სვეტიცხოვლის ტაძარი (XI ს.), რომელიც მრავალი რამით არის მნიშვნელოვანი. ქრისტეს კვართი, გადმოცემის თანახმად, ტაძრის საძირკველშია დაკრძალული. სვეტიცხოველი უხსოვარი დროიდან ქართველ მეფეთა სამარხია. აქვეა დაცული წმინდა ანდრიას წმინდა ნაწილები.სადაც ვესტუმრებით იუნესკოს მსოფლიო მემკვიდრეობის ძეგლებს: ჯვრის მონასტერს, რომელიც აშენდა მე-6 საუკუნეში და ულამაზეს სვეტიცხოვლის საკათედრო ტაძარს.
• საღამოს გუდაურისკენ გავემართებით საქართველოს სამხედრო მაგისტრალით.

დღე 6 /

• დილით დაბა სტეფანწმინდაში გავემგზავრებით, რომელიც კავკასიონის ქედის თვალწარმტაცი ხედებით არის ცნობილი.

  დღის პირველ ნახევარში ვესტუმრებით გერგეტის სამების ეკლესიას. გერგეტის წმინდა სამება მოხევეებისთვის რელიგიური ცენტრი და ყველაზე მნიშვნელოვანი სამლოცველოა. თავისი განსაკუთრებული მდებარეობითა და  შვიდ - საუკუნიანი ისტორიით, ის ნამდვილად წარმოადგენს საქართველოს სახეს.

  შუადღისას გადავინაცვლებთ სოფელ ცდოში, ეს სოფელი რუსეთ - საქარტველოს საზღვართან ძალიან ახლოს მდებარეობს და მხოლოდ რამდენიმე მოსახლე ყავს. აქ ვესტუმრებით ადგილობრივ ოჯახს და მოვინახულებთ მთის მკაცრი კლიმატური პირობების რეჟიმში მყოფი ოჯახების  ყოველდღიურ ცხოვრებას. დიასახლისთან ერთად მოვამზადებთ ტრადიციულ მოხევურ კერძს - ხინკალს. 

  ვახშმის შემდეგ, მანქანით გავემგზავრებით თბილისისკენ. გზად, გავჩერდებით ჟინვალის ზურმუხტისფერ წყალსაცავთან და ვესტუმრებით ანანურის ციხესიმაგრეს.

დღე 7 / 

ამ დღეს დასავლეთისკენ გადავინაცვლებთ, რათა დასავლური კერძები დავაემოვნოთ. საქართველოს ამ მხარეს ხომ სრულიად განსხვავებული კერძები და გემოები გვხვდება. გზად რამდენიმე საინტერესო ღირსშესანიშნაობას ვნახავთ. გავჩერდებით ქართლში. ქართლი საქართველოს ერთ-ერთი უძველესი კუთხეა, რომელიც დაკავშირებულია როგორც წინარექრისტიანულ ასევე უახლეს ისტორიასთან. ამ ტურის განმავლობაში დავათვალიერებთ ამ პრიოდების ძეგლებს. პირველი გაჩერება იქნება ცნობილი სამლოცველო ქალაქი უფლისციხე (ძვ. წ. XVI ს.). აქ თქვენ შეგიძლიათ ნახოთ და შეიგრძნოთ ისტორია. შემდეგი გაჩერება იქნება ქართლის რეგიონის ადმინისტრაციული ცენტრი, გორი, ქალაქი, სადაც იოსებ სტალინი დაიბადა.  მუზეუმში თქვენ გაეცნობით მისი ცხოვრების ბევრ უცნობ ისტორიას და შეგეძლებათ ნახოთ სახლის სადაც სტალინი დაიბადა, ასევე მისი პირადი ვაგონები, რომლებიტაც მგზავრობდა.  გაიგეთ მეტი საბჭოთა კავშირისა და მისი დიქტატორის შესახებ. მუზეუმის დათვალიერების შემდეგ, მოგზაურობას ისტორიულ ქუთაისში გავაგრძელებთ, რომელიც მსოფლიოს ერთ-ერთი უძველესი ქალაქია.

საღამოს უკვე ქუთაისში ვიქნებით სადაც ადილობრივ ოჯახში ვახშმად იმერულ საცივს დავაგემოვნებთ.

დღე 8 / 

დილით ქუთაისის ბაზარს ვესტუმრებით. ბაზრის მონახულება საინტერესო გამოცდილებაა ხალხის უკეთ გასაცნობად ან სხვადასხვა მხარის კულინარიული თავისებურებების აღმოსაჩენად.

შემდეგ გადავინაცვლებთ გელათის სამონასტრო კომპლექსის(XII ს.) დასათვალიერებლად. გელათის ძეგლის მნიშვნელობაზე შეიძლება უსასრულოდ ვისაუბროთ, მაგრამ აქ მხოლოდ რამდენიმე მიზეზს ჩამოვთვლით:  1. გელათი შეტანილია იუნესკოს მსოფლიო მემკვიდრეობის სიაში. 2. ის იყო საგანმანათლებლო ცენტრი საქართველოში ქართული ოქროს ხანის დროს. 3. გელათი იყო XII-XIII სს-ის ქართველი მეფეების სამარხი. 4. გელათის საკურთხევლის მოზაიკა უნიკალურია მთელ მსოფლიოში. 5. მეფე დავით აღმაშენებლის ერთადერთი გამოსახულება შემორჩენილია გელათის საკათედრო ტაძრის კედლებზე.

ჩვენი გასტრონომიული თავგადასავალი დასავლეთ საქართველოში გაგრძელდება. მარტვილში ადგილობრივ ოჯახს ვესტუმრებით, სადაც განსაკუთრებულ მეგრულ სამზარეულოს დავაგემოვნებთ. მეგრული სამზარეულოს სიმდიდრე და მიმზიდველობა არა მხოლოდ კერძების მრავალფეროვნებაში, არამედ მათი შემადგენელი ინგრედიენტების საოცარ კომბინაციაშიც გამოიხატება. მასპინძლებთან ერთად მეგრული სამზარეულოს შედევრს - ელარჯს მოვამზადებთ.

სასიამოვნო ემოციებით აღსავსე, ქუთაისში დავბრუნდებით.

დღის ბოლოს ბაგრატის ტაძარს ვესტუმრებით, ადგილობრივებისთვის ბაგრატი მთავარი საკულტო ადგილია. ბაგრატის ტაძარი აშენდა X საუკუნეში საქართველოს გაერთიანების საპატივცემულოდ მეფე ბაგრატ X-ის მიერ (ტაძრის სახელი მეფის სახელიდან მომდინარეობს). მას შემდეგ ის ემსახურება როგორც ქართველი მონარქების კორონაციის ადგილს და რელიგიურ ცენტრს იმერეთში.

დღე 9 / 

დილით ვბრუნდებით თბილისში. გზად ვნახავთ კაცხის სვეტს. არავინ იცის ზუსტად, როგორ მიიღო მან დღევანდელი ფორმა, თუმცა ერთი რამ ცხადია — ის ყოველთვის აღტაცების ობიექტი იყო ადამიანებისთვის. ეს ადგილი ყოველთვის აღიქმებოდა როგორც რაღაც ზეციური და არამიწიერი. ზემოთ, ორმოც მეტრიანი სვეტის თავზე პატარა მონასტერია, სადაც ერთადერთი ბერი ცხოვრობს.  მონასტრის მონახულების შემდეგ ადგილობრივ ოჯახს ვესტუმრებით.

იმერული სამზარეულო თავად საქართველოში ერთ-ერთ საუკეთესოდ ითვლება. ამაში ადვილად დავრწმუნდებით იმერულ ოჯახში სადილის დროს. კეცზე მომზადებული კერძები ამ რეგიონის განუყოფელი ნაწილია. აქ ჩვენ გავუზიარებთ იმ ემოციებსა და შტაბეჭდილებებს რაც საქართველოში მოგზაურობის დროს შეგვექმნა. 

საღამოს თბილისში ვბრუნდებით. ქართული გემოები კი დიდხანს დარჩება ჩვენს მეხსიერებაში.

ჩვენი კულინარიული თავგადასავალი მთავრდება გალა ვახშმით. ჩვენ კიდევ ერთხელ დავტკბებით ტრადიციული ქართული სამზარეულოთი და პრემიუმ ღვინოების საუკეთესო კომბინაციით უკვე თბილისში.

დღე 10 / გამგზავრება

• ტრანსფერი აეროპორტში და გამგზავრება. 

ღირებულებაში შედის: