კახეთის ღვინის ტური – სიღნაღი, გორი და ტრადიციული ქართული ღვინოები

• თბილისი-თელავი-სიღნაღი-გორი-თბილისი

ტურის განმავლობაში თქვენ ეწვევით

დღე 1 - ჩამოფრენა და თბილისის ტური

• ჩამოფრენისას ჩვენი წარმომადგენლები დაგხვდებიან აეროპორტში და წაგიყვანენ სასტუმროში, რათა მოისვენოთ. საღამოს გავისეირნებთ თბილისის ისტორიულ ნაწილში. თბილისი საქართველოს დედაქალაქია და ყველა მოგზაურისთვის, რომელსაც ქვეყნის შეცნობა სურს, დედაქალაქის დათვალიერება აუცილებლობაა. ჩვენი საფეხმავლო ტურის დროს თქვენ ნახავთ ძველი თბილისის უმნიშვნელოვანეს ძეგლებს, როგორიცაა: მეტეხის ტაძარი, სიონის, ანჩისხატის ეკლესიები, მშვიდობის ხიდი და სხვა. 
• ღამისთევა თბილისში

დღე 2 - კახეთის ღირსშესანიშნაობები და ღვინო

• დილით, შეხვდით თქვენს გიდს და მძღოლს, რათა დაიწყოთ მოგზაურობა კახეთისკენ. კახეთში თქვენ გელით გრძელი, ისტორიული ღირსშესანიშნაობებით სავსე დღე. თქვენი პირველი გაჩერება საქართველოს ერთ-ერთ ულამაზეს გზაზე, პატარა ქალაქია, სახელად თელავი. თელავი კახეთის რეგიონის ადმინისტრაციული ცენტრია. ის ასევე საქართველოს ერთ-ერთი უძველესი ქალაქია. თელავის ძველ ქალაქში მოკლე გასეირნების შემდეგ, ეწვიეთ მეფე ერეკლე II-ის რეზიდენციას. ის ახლახან აღადგინეს და მუზეუმად გადააკეთეს. აქ შეგიძლიათ ნახოთ: ნუმიზმატიკური მასალა, გვიანი შუა საუკუნეების ჯავშანი, XVII-XIX საუკუნეების სპილენძის ნივთები, იარაღი და ა.შ.

• შემდეგი გაჩერება იქნება პატარა სოფელი ვარდისუბანი სადაც მექვევრე ზაზა ცხოვრობს. ზაზა ოჯახის მეოთხე თაობას წარმოადგენს რომლებიც ქვევრებისა და ღვინის კეთებით არიან დაკავებული. აქ დავაგემოვნებთ ყველაზე ტრადიციულ საფერავსა და რქაწიტელს და მოვინახულებთ ქვევრების დამზადების პროცესს.

• ვეწვევით კახეთის რელიგიურ ცენტრს: ალავერდის მონასტერს (XI ს.). იქ ნახავთ მამა იოსებ ალავერდელის (VI ს.) საძვალეს და ფრესკების მხატვრობას (XI ს.). ალავერდი ასევე ცნობილია თავისი ვენახით და სხვადასხვა სახეობის ღვინის დაყენების ხანგრძლივი ტრადიციით. აქვე დავაგემოვნებთ სამონასტრო ღვინოს. როგორც ვიცით ალავერდის მონასტერს ღვინის ერთ-ერთი ყველაზე დიდი წარმოება აქვს. სწორედ ალავერდის მონასტრის დამსახურებაა ის ფაქტი რომ დღეს ქვევრის ღვინო და ქართული ტრადიციული მეღვინეობა შენარჩუნებულია და არა მხოლოდ, არამედ იუნესკოს არამატერიალური მემკვიდრეობის სიაში შედის.

•  იყალთო,ჩვენი შემდეგი გაჩერება, შუა საუკუნეებში აღმოსავლეთ საქართველოში უდიდესი საგანმანათლებლო ცენტრი იყო. ამჟამად იქ სამი ეკლესიისა და აკადემიის შენობის ნანგრევებია შემორჩენილი. ბოლო ადგილი , რომელსაც ამ დღეს ვეწვევით, გრემის ისტორიული კომპლექსია. გრემი XVI–XVII საუკუნეებში კახეთის სამეფოს დედაქალაქი იყო. ის სამი ნაწილისგან შედგებოდა, თუმცა შაჰ-აბას I-ის დამანგრეველ შემოსევებს მხოლოდ მთავარანგელოზთა კომპლექსი გადაურჩა.

• აქვე ვეწვევით საოჯახო მეღვინეობას ენისელში, მეღვინეობა ბეგასო ახალგაზრდა ბუტიკური მეღვინეობაა დიდი ისტორიით, აქვე დავაგემოვნებთ მათ სახელგანთქმულ საფერავს, მივირთმევთ ვახშამს და დავბინავდებით.

• ღამისთევა ენისელში. 

დღე 3 - სიყვარულით და ღვინით სავსე კახეთი  

• ჩვენ ვიწყებთ ექსკურსიას საქართველოს ღვინის რეგიონში, კახეთში. გზა სიღნაღში მიგვიყვანს, რომელსაც ასევე „სიყვარულის ქალაქს“ უწოდებენ. ყველამ იცის, რომ ამ ქალაქის მეტსახელის მიზეზი 24 საათის განმავლობაში მომუშავე საქორწინო დარბაზია. ჩვენ გავისეირნებთ პატარა ქალაქის ქუჩებში. აღმოვაჩენთ საქართველოში ყველაზე გრძელ თავდაცვით კედელს და დავტკბებით ალაზნის ველის დაუვიწყარი ხედებით. ღვინო სიღნაღშიც უყვართ, ამიტომ აუცილებლად ვეწვევით "ხოხბის ცრემლებს" რომელიც ერთ-ერთი ყველაზე ცნობილი და სახელგანთქმული რესტორანია, სწორედ რომ ღვინით და განსაკუთრებული კერძებით.
• შემდეგი გაჩერება ბოდბის დედათა მონასტერია, საქართველოს განმანათლებლის, წმინდა ნინოს დაკრძალვის ადგილი. ის ცნობილია მომლოცველთა შორის. აქ დავტკბებით ულამაზესი ხედებით, მოვისმენთ საკვირველ ისტორიებს სასწაულმოქმედი ხატის, ივერიის ღვთისმშობლის შესახებ, დედაოების საქმიანობის შესახებ და გავაგრძელებთ გზას ყვარლისკენ. ვესტუმრებით ხარებას ღვინის ქარხანას, რომელიც გვირაბებში მდებარეობს. ეს გვირაბები საბჭოთა კავშირის დროს კავკასიის მთებში სამხედრო მიზნებისთვის იყო გაჭრილი. აქ თქვენ შეძლებთ სხვადასხვა სახეობის ქართული და ევროპული ღვინის დაგემოვნებას.
• საღამოს უკვე წამოვალთ თბილისისკენ. ღამისთევა თბილისში. 

დღე 4 - ქართლი და გორული მწვანე

• დილითვე შევხვდებით ჩვენს პერსონალს და დავიწყებთ ტურს. დღეს მივემგზავრებით საქართველოს ცენტრალურ ნაწილში, ქართლში. გზად ვეწვევით მცხეთაში მდებარე ჯვრის მონასტერს. ჯვარი იუნესკოს ძეგლია. ის აღმართულია მთაზე და გთავაზობთ მცხეთის, მტკვრისა და არაგვის შესართავის ულამაზეს ხედებს. შემეგ გადავინაცვლებთ სოფელ  მუხრანში სადაც მოვინახულებთ ცნობილ შატო მუხრანს. ეს არის ღვინის უზარმაგაზარი ქარხანა მუხრანბატონების ისტორიულ სასახლეში. დავაგემოვნებთ ოთხი სხვადასხვა სახის ღვინოს. შეკვეთის შემთხვევაში მოვაწყობთ სადილს ან ღონისძიებას ღვინის ქარხნის რესტორანში, რომელსაც ამშვენებს სასახლის გარშემო არსებული ულამაზესი ბაღები. შემდეგი გაჩერება იქნება იაგოს ღვინის ქარხანა. იაგო ადგილობრივი მეღვინეა, რომელიც ტრადიციული მეთოდებით აყენებს ქვევრის უგემრიელეს ღვინოს. 
• უკანა გზაზე აუცილებლად მოვინახულებთ ქალაქ მცხეთას და ვეწვევით სვეტიცხოვლის ტაძარს. 
• საღამოს დავბრუნდებით თბილისში. ღამისთევა თბილისში.

დღე 5 - გამგზავრება

• თავისუფალი დრო. 
• ტრანსფერი აეროპორტში.
• გამგზავრება

ტურის ღირებულებაში შედის

• ტრანსპორტი და ტრანსფერები. (1-2 ადამიანი სედანით, 3-4 ადამიანი Mercedes Vito-თი ან მსგავსი, 5-10 ადამიანი Mercedes Sprinter-ის სამგზავრო მიკროავტობუსით);
• ტურის პროგრამა ინგლისურენოვანი გიდით 10 ან მეტი მგზავრის შემთხვევაში; 
• ბილეთები;
• წყალი.