უფლისციხე

უფლისციხე არის ისტორიული ძეგლი, რომელიც გამოკვეთილია დიდი ქვიშაქვის კლდოვან მასივში. იგი მდებარეობს საქართველოს ცენტრალურ ნაწილში, ქალაქ გორიდან სულ რაღაც 10 კილომეტრში. ძვ.წ. მეორე ათასწლეულით დათარიღებული უფლისციხე მსოფლიოში ერთ-ერთი უძველესია. დღეს ის წარმოადგენს ისტორიულ-არქიტექტურულ მუზეუმ-ნაკრძალს, თუმცა უფლისციხემ მრავალი გარდაქმნა განიცადა თავისი ისტორიის განმავლობაში. იგი ერთ დროს წმინდა სატაძრო ქალაქი იყო, სადაც დარჩენის უფლება მხოლოდ უმაღლეს ქურუმებს ჰქონდათ. იმ პერიოდში უფლისციხეში მრავალი იდუმალი რელიგიური რიტუალი ტარდებოდა, რომელთა მსგავსებაც დღესაც შეიძლება შევნიშნოთ საქართველოს ზოგიერთ ტრადიციასა და ჩვევაში.

ისტორია

უფლისციხე თავდაპირველად წარმართული ტომებისთვის წმინდა ქალაქი იყო, და შეიქმნა სწორედ ამ მიზნით; მოგვიანებით, ახ.წ. IV საუკუნეში, ქრისტიანობის გავრცელებამ მნიშვნელოვანი ცვლილებები მოიტანა. შუა საუკუნეებში უფლისციხე წარმოადგენდა ციხესიმაგრეს, რომელსაც სტრატეგიულად მნიშვნელოვანი მდებარეობა ჰქონდა. მისთვის იბრძოდნენ როგორც ქართველი, ისე სომეხი მეფეები. XIV საუკუნეში, მონღოლთა შემოსევების შემდეგ, უფლისციხეში ცხოვრება შესუსტდა და საბოლოოდ მთლიანად შეწყდა. მოგვიანებით იგი მწყემსებისთვის თავშესაფრად იქცა, რომლებმაც აქ საკუთარი კვალი დატოვეს — ტაძრების კედლებზე არსებული წარწერები და ნაკაწრები ამის ნათელი მაგალითია. ამ ქალაქში ჯერ კიდევ ბევრი საიდუმლო ინახება. მიმდინარე არქეოლოგიური გათხრები კი მომავალში კიდევ უფრო მეტ საიდუმლოს გაამჟღავნებს. თავისი უნიკალური არტეფაქტების გამო, უფლისციხე დღემდე რჩება ქვეყნის ერთ-ერთ ყველაზე მნიშვნელოვან არქეოლოგიურ ძეგლად და გვაწვდის მნიშვნელოვან ინფორმაციას ჩვენი წინაპრებისა და საქართველოს უძველესი და შუა საუკუნეების ისტორიის შესახებ.

ხანგრძლივი ისტორია, რომელიც მრავალი ლეგენდისა და ხალხური თქმულების ნაწილია, მისი მდებარეობასთან ერთად, უფლისციხეს განსაკუთრებით საინტერესოს ხდის ყველა სტუმრისთვის. ქვიშაქვის მღვიმეები ქმნის განცდას, თითქოს რაღაც განსაკუთრებულსა და უნიკალურს აღმოაჩენთ. როგორც საქართველოს ბევრი დასახლება, უფლისციხეც გორაკზე მდებარეობს, რაც მას თვალწარმტაც ხედებს ანიჭებს. გაზაფხულზე შეგიძლიათ დატკბეთ კონტრასტით, რომელიც ოქროსფერი ქვიშაქვის ფორმებსა და მტკვრის სანაპიროს მწვანე ბუნებას შორის იქმნება. ზაფხულში კი ქვიშაქვის ოქროსფერი და მზით განათებული ველები კიდევ უფრო მიმზიდველს ხდის გარემოს.

როგორ მივიდეთ ?

თუ გორის სიახლოვეს აღმოჩნდებით, უფლისციხე არ გამოტოვოთ. იგი საკმაოდ ადვილად მისადგომია — შეგიძლიათ იქირავოთ ტაქსი გორის ცენტრიდან; ტაქსებს ასევე შეხვდებით გორის ბაზრის ტერიტორიაზე.

თუ გსურთ უფლისციხეში ვიზიტის დაგეგმვა, შემოუერთდით ჩვენს ერთ-ერთ ტურს.