საქართველო გართობისა და შემეცნების უამრავ შესაძლებლობას სთავაზობს მათ, ვისაც ზამთარი უყვარს. ბაკურიანი ერთ-ერთი ყველაზე პოპულარული სათხილამურო კურორტია ქვეყანაში. იგი მდებარეობს ზღვის დონიდან 1700 მეტრზე, თრიალეთის ქედის ჩრდილოეთ ფერდობზე. იგი დაარსდა როგორც სათხილამურო კურორტი 1935 წელს და დღეს აქვს 5 სათხილამურო ფერდობი და 23 ტრასა. ისინი განსხვავდება სირთულით და დაყოფილია მოთხილამურეების გამოცდილების დონის მიხედვით. დიდველის ფერდობზე ღამის თხილამურობა არის შესაძლებელი და ძალიან ლამაზი სანახაობაც გამოდის. დიდველს აქვს თანამედროვე განათების სისტემა, რომელიც შაბათ-კვირას მუშაობს 17:00-დან 21:30-მდე. დამწყებთათვის და ნაკლებად გამოცდილ მოთხილამურეებისთვის არსებობს მცირე ტრასები.
რა ვაკეთოთ ?
თუ გსურთ ზამთრის არდადეგებზე თხილამურობის გარდა სხვა აქტივობებით დაკავება, ბაკურიანი ნამდვილად არ გაგიცრუებთ იმედებს. აქ ბევრი რამის გაკეთება შეიძლება. მათ შორის: ცხენით გასეირნება, სნოუბორდი, ციგაობა და ლაშქრობა, ან შეგიძლიათ ეწვიოთ აქ არსებული მრავალი ბარი და რესტორნიდან ერთ-ერთს, გაერთოთ ან დაათვალიეროთ ბაკურიანის შემოგარენი. თუ გადაწყვეტთ ღირსშესანიშნაობების მონახულებას, იდეალურ ადგილას იმყოფებით. ბაკურიანიდან 1–2 საათის სავალზე ბევრი საინტერესო ადგილია. შეგიძლიათ ეწვიოთ IX საუკუნის მწვანე მონასტერს ან წახვიდეთ ბორჯომში და მოინახულოთ ბორჯომის ცენტრალური პარკი. ასევე შესაძლებელია ერთი დღის გატარება ბორჯომ-ხარაგაულის ეროვნული პარკიში. ეს არის ქვეყნის ყველაზე დიდი ეროვნული პარკი, რომლის საერთო ფართობი 108 ჰექტარს აღემატება. იგი საქართველოს ტერიტორიის 1.5%-ს შეადგენს და მოიცავს ექვს მუნიციპალიტეტს. აქ არის 12 კარგად მონიშნული საფეხმავლო ბილიკი, რომელთაგან ზოგი მთელი წლის განმავლობაში ღიაა. ბილიკები ზღვის დონიდან 2645 მეტრამდე ადის. ეროვნულ პარკში შეგიძლიათ ცხენით სეირნობა, ველოსიპედით გადაადგილება, ბანაკის მოწყობა ან თუნდაც კონფერენციის ორგანიზება.
ბაკურიანში მისვლა შესაძლებელია საზოგადოებრივი ტრანსპორტით თბილისიდან, დიდუბის ავტოსადგურიდან. ავტომობილით მგზავრობა დაახლოებით 3 საათს გრძელდება. ასევე შესაძლებელია მანქანის დაქირავება ან ტაქსის დაქირავება დაახლოებით 250 ლარად.
